विज्ञान शिक्षकांची कार्यशाळा संपन्न

         विज्ञान शिकताना वैज्ञानिक दृष्टीकोन निर्माण होणे हे खूप महत्त्वाचे असते. बरेचदा प्रयोगासाठी लागणारे साहित्य उपलब्ध नसल्यामुळे विद्यार्थ्यांच्या आकलनामध्ये अडचणी निर्माण होतात. यासाठीच ‘Yes Foundation’ प्रायोजित आणि ‘अनुभूती लर्निंग सोल्युशन्स’ व ‘भगीरथ ग्रामविकास प्रतिष्ठान’ यांच्या संयुक्त विद्यमाने विज्ञान साहित्याचे वितरण सिंधुदुर्ग जिल्ह्यातील १० हायस्कूलना केले होते.

          विज्ञान साहित्य वापरावे कसे व त्यामागील मुलभूत सिद्धांत कोणता या विषयाची कार्यशाळाही दिनांक १७ जुलै २०२१ रोजी संपन्न झाली. या कार्यशाळेत उपस्थित विज्ञान शिक्षकांना ‘अनुभूती लर्निंग सोल्युशन्स’चे श्री. संदीप दामले व श्री. धवल नागर यांनी मार्गदर्शन केले.